သူတစ်ဦးသည် သူတစ်ပါးအယောင်ဆောင်၍သော်လည်းကောင်း၊ သိလျက်နှင့် လူစားထိုး၍ သော်လည်းကောင်း၊ မိမိသည်သူတစ်ပါးဖြစ်ကြောင်း သို့မဟုတ် သူတစ်ဦးဦးသည် ထိုသူအစစ်အမှန် မဟုတ်သော အခြားသူဖြစ်ကြောင်း ပြောဆို၍သော်လည်းကောင်း လိမ်လည်လျှင် ထိုသူသည် သူတစ်ပါး အယောင်ဆောင်၍ လိမ်လည်သည်မည်၏။

ရှင်းလင်းချက်။ အယောင်ဆောင်ခြင်းခံရသူသည် တကယ်ရှိသည်ဖြစ်စေ၊ စိတ်ကူး၌သာရှိသည်ဖြစ်စေ အယောင်ဆောင်သူမှာ ဤပြစ်မှုကို ကျူးလွန်ရာရောက်သည်။

ဥပမာများ

(က) A သည် မိမိနှင့် အမည်တူချမ်းသာသော ဘဏ်လုပ်ငန်းရှင်တစ်ဦးဟန်ဆောင်၍ လိမ်လည်၏။ ဤတွင် A သည် သူတစ်ပါးအယောင်ဆောင်၍ လိမ်လည်သည်မည်၏။

(ခ) A သည် သေဆုံးသူ B ဟုဟန်ဆောင်၍ လိမ်လည်၏။ ဤတွင် A သည် သူတစ်ပါးယောင်ဆောင်၍ လိမ်လည်သည်မည်၏။