မည်သူမဆို ဤရာဇသတ်ကြီးအရ (***) ထောင်ဒဏ်ထိုက်သောပြစ်မှုကို ကျူးလွန်ရန်သော်လည်း ကောင်း၊ ထိုသို့သောပြစ်မှုကို ကျူးလွန်စေရန်သော်လည်းကောင်း အားထုတ်၍ ထိုသို့ အားထုတ်ရာတွင် ပြစ်မှုကျူးလွန်ခြင်းသို့ ရှေးရှုသော ပြုလုပ်မှုတစ်ခုခုကိုပြုရာ၌ အဆိုပါအားထုတ်မှုအတွက် ပြစ်ဒဏ် ချမှတ်ရန် ဤရာဇသတ်ကြီး၌ အတိအလင်းပြဋ္ဌာန်းထားခြင်းမရှိလျှင် ထိုသူကို သက်ဆိုင်ရာပြစ်မှုအတွက် ပြဋ္ဌာန်းသော အများဆုံးကာလ အပိုင်းအခြား၏ ထက်ဝက်အထိ (***) ထောင်ဒဏ်တစ်မျိုးမျိုးဖြစ်စေ၊ ထိုပြစ်မှုအတွက် ပြဋ္ဌာန်းသည့် ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်။

ဥပမာများ

(က) A သည် သေတ္တာတစ်လုံးကို ချိုးဖျက်ပြီးလျှင် ကျောက်မျက်ရတနာအချို့ကို ခိုးယူရန် အားထုတ်၏။ သေတ္တာကိုဖွင့်ပြီးသောအခါ ကျောက်မျက်ရတနာ မရှိသည်ကို သိရ၏။ ဤတွင် A သည် ခိုးမှုကျူးလွန် ခြင်းသို့ ရှေးရှုသောပြုလုပ်မှုကို ပြုပြီးသောကြောင့် ဤပုဒ်မအရ ပြစ်မှုကို ကျူးလွန်၏။

(ခ) A သည် Z ၏ အင်္ကျီအိတ်အတွင်းသို့ လက်သွင်း၍ ခါးပိုက်နှိုက်ရန် အားထုတ်၏။ Z ၏ အိတ်အတွင်း၌ ဘာမျှမရှိခြင်းကြောင့် A ၏ အားထုတ်ခြင်းသည် မအောင်မြင်သော်လည်း A သည် ဤပုဒ်မအရ ပြစ်မှုကို ကျူးလွန်၏။